ALMUBAROK

 

alMubarok bin Wadlih namina,hiji pemuda anu bekerja sbg penjaga kebun gaduhna jalmi kaya.
Dina hiji dinten nu gaduhna sumping ka eta kebon,nyarios ka alMubarok : "Kaula hayang buah dalima anu amis,cik pangalakeun!". alMubarok ngoloyong ka hiji tangkal,terus metik hiji sarta terus diasongkeun ka dununganana,harita keneh langsung dipurak tapi aseum rasana. atuh ngambek si dunungan teh bari nyarita:
"Naha dititah ngala nu amis kalah ngasongkeun nu aseum, sok geura ngala nu amis".
atuh ngoloyong deui eta pemuda teh teras ngala ti tangkal nu sejenna teras diasongkeun deui ka dunungannana,barang dipurak teh aseum keneh bae atuh beuki ambek dununganana teh,nepi ka tilu kali ngala tina tangkal nu beda angger bae meunangna teh nu aseum bae,sanggeus kitu pok bae nyarita dununganna teh:

"أنت ما تعرف الحلو من الحامض؟"
فقال: "لا"
"Naha maneh teu nyaho (bedana) nu amis jeung nu aseum"?
Jawabna: "henteu".cenah.
"Kunaon pangna bisa kitu? Pan maneh unggal poe di kebon ngurusanan ieu kebon"? .
"Margi Abdi tara ngadahar naon bae anu can jelas halalna".
"Kunaon atuh maneh lain ngadahar"?
"Margi juragan teu ngizinan ka abdi ngadahar buah2an ti ieu kebon".
Atuh kaget nu gaduh kebon teh barang ngadangu jawaban si pemuda bari jeung bener deuih.maka dina pandanganna ieu pemuda teh jalma mulia jeung naek darajatna.
Dina mangsa nu teu lila nu gaduh kebon ngobrol deui jeung alMubarok,anu berkaitan jeung anak gadisna,geus loba nu ngalamar tp si bapa masih bimbang,kudu kumaha alusna,anjeunna nyarios :
" يامبارك ترى من تزوج هذه البنت؟"

"He Mubarok,cik menurut pandangan anjeun saha nu pantes kawin ka ieu anak awewe kaula"?
Almubarok ngawaler: "Ahli jahiliyyah ngawinkeun anak teh krn turunan,yahudi krn harta,nashrani krn rupa jeung ieu ummat krn agama".
Beuki kagum bae si juragan teh ningal kacerdasan alMubarok tuluy indit balik,nyaritakeun kajadian eta ka indung budakna bari nyarita : "Bapa teu ningal nu pantes jang salaki budak teh iwal ti Mubarok".
Teu lami teras putrina eta juragan teh di tikahkeun ka alMubarok mangka lahirlah tina buah ieu perkawinan teh Abdulloh bin alMubarok.
والله أعلم بالصواب

tambahan :

Abdulloh bin alMubarok teh hiji jalmi anu :
عالم،ورع،زهد،مؤرخ،محدث،فقيه،الغازي
Alim,apik,zuhud,ahli tarich,muhaddits,ahli fiqih jng ahli perang.
Salasahiji cariosanana anu terkenal,anu dimuat dina Soheh Muslim nyaeta :

الإسناد من الدين ولولا الإسناد لقال من شاء ما شاء

"Isnad teh bagian tina agama cacak lamun teu aya isnad tangtu jalma bakal nyarita sakarepna".
Dugi ka Imam Muslim nyerat dina kitabna hiji bab :
باب الإسناد من الدين
'Ibroh keur urang hayang boga anak nu sholeh teh nyaeta kudu taqwa kalawan sabenerna taqwa. Haturnuhun .

‏